Бизнес эрхлэгч, аж ахуйн нэгжүүдийн аж үйлдвэрийн өмчийн эрхийн хамгаалалтын холбоотой асуудлуудын нэг нь барааны тэмдэг. Тэд нарын хувьд барааны тэмдэг нь чухал ач холбогдолтой байх нь аливаа компанийн өнгө төрх, үйл ажиллагааны чиглэл, нүүр царайг илэрхийлдэг гол элемент юм. Тиймээс бид бизнес эрхлэгчдэд зөв ойголтыг өгч, аж үйлдвэрийн өмчийн тулгамдаж байгаа асуудлуудыг тодорхойлох зорилгоор энэхүү хэлэлцүүлгийг зохион байгуулсан.

Монгол улсын “Барааны тэмдэг, газар зүйн заалтын тухай хууль”-д зааснаар “барааны тэмдэг” гэж иргэн, хуулийн этгээд өөрийн бараа, үйлчилгээг бусад этгээдийн бараа, үйлчилгээнээс ялгах зорилгоор хэрэглэх ялгагдах чадвартай илэрхийллийг ойлгоно.

Энэхүү хэлэлцүүлэгт Оюуны Өмч, Улсын Бүртгэлийн Ерөнхий Газрын Аж Үйлдвэрийн Өмчийн Эрхийн Газрын дарга С.Урангэрэл Барааны тэмдэг, Газар зүйн заалтын тухай хуулийн төслийн талаар, тодруулбал аль заалтаар ямар нэмэлт өөрчлөлт орох талаар мэдээлэл хийж оролцогчдын санаалуудыг хэлэлцсэнээс гадна тус газрын барааны тэмдгийн шинжээч Л.Гэрэлмаа монголын барааны тэмдгийн бүртгэлийн статистик мэдээлэл, Монголын аж ахуйн нэгжүүд хэрхэн өөрсдийн брэндээ гадаадад бүртгүүлж байгаа талаар мэдээлэл хийсэн.

“Хэрхэн брэндийг бий болгох вэ” илтгэлийг МОӨИТХолбооны гишүүн, Оюуны Өмчийн Итгэмжлэгдсэн төлөөлөгч Ч.Уранбилэг сонирхолтой илтгэл тавьж аж ахуйн нэгжүүдэд брэндийн талаар тодорхой ойлголт өгсөн. Мөн Очир Дагинас ХХКомпанийн Маркетинг төлөвлөлт албан дарга Ж.Айбек нь Очирдагинас нэрийн бүтээгдэхүүн, үйлчилгээ болон барааны тэмдгийн тулгамдсан асуудал, Гоёо брендийн лого болон оюуны өмчийн тулгамдсан асуудлүүдлаар Гоёо ХХК-ний Нийцлийн хуульч Д.Алтансух нар тус тус сонирхолтой илтгэл тавьж оюуны өмчийн салбарын төлөөлөгч нараас оновчтой шийдэл гарган идэвхитэй хэлэлцүүлэг өрнүүлсэн билээ.

Энэ дашримд дурьдахад Монголын Үндэсний брэндийн зөвлөлийн үйл ажиллагааны талаар тус албан дарга Б.Батгэрэл танилцуулж хамтран ажиллах боломжийн талаар санал тавьсан. Бид, Монголын Оюуны Өмчийн Итгэмжлэгдсэн Төлөөлөгчдийн Холбооны зүгээс цаашид аж үйлдвэрийн өмчийн объектууд болох барааны тэмдэг, газар зүйн заалт, патент, ашигтай загвар, бүтээгдэхүүний загвараар нарийвчилсан, тодорхой сэдвээр нэг бүрчлэн хэлэлцүүлэг зохион байгуулах болно. Иймд байгууллага, аж ахуйн нэгжүүд идэвхитэй оролцоно гэдэгт итгэлтэй байна. 

IPAS нь Оюуны өмчийн аж үйлдвэрийн өмчийн эрхийн систем юм. IPAS нь одоогийн байдлаар дэлхийн хөгжиж буй 60 орнуудад байрлаж байгаа. Дэлхийн ОӨ-ийн сүлжээнд нэвтрэх боломжтой, орчин үеийн холболт тоног төхөөрөмжөөр тоноглогдсон, ДОӨБ–ын мэдээллийн сантай. Онц шаардлагатай энэхүү програмыг зах зээлд эрэлттэй байлгах нь хамгийн чухал. Олон улс орнууд IPAS-ыг ашиглаж илүү их хүрээг хамарч, хэрэгжүүлж чадаж байна. Тус улсуудын нэг нь Монгол улс байна.

Энэхүү системийн талаар ОӨУБЕГ-ын Аж үйлдвэрийн өмчийн газрын дарга С.Урангэрэл, барааны тэмдгийн шинжээч Л.Гэрэлмаа, барааны тэмдгийн шинжээч Ч.Сод - Эрдэнэ нар оюуны өмчийн итгэмжлэгдсэн төлөөлөгч нарт дэлгэрэнгүй мэдээлэл өгсөн. IPAS систем нь Монгол улсыг заасан Madrid data буюу олон улсын барааны тэмдгийн мэдүүлгийг 7 хоног бүр татаж оруулж байгаа.

Мөн тус газрын хэрэгжүүлж байгаа цахим системтэй холбоотой харилцан мэдээлэл солилцон санаа оноогоо солилцсон. Энэ нь Монгол Улсын Оюуны өмчийн газар, Дэлхийн Оюуны Өмчийн Байгууллага хамтран ажилласны үр дүнд Монгол улсад хамгаалагдаж буй 45000 гаруй барааны тэмдгийн цахим санг Global Brand Database буюу Дэлхийн брэндийн санд ДОӨБ-ын гишүүн 188 орноос 31 дэх улс болж орууллаа.

Энэ дашримд дурьдахад Монгол Улс 1985 онд гишүүнээр нэгдэн орсон Аж үйлдвэрийн өмчийг хамгаалах тухай Парисийн конвенцийн 12 дугаар зүйлээр хүлээсэн “Холбооны гишүүн орон бүр аж үйлдвэрийн өмчийн хэрэг эрхлэх тусгай алба болон олон нийтийг патент, ашигтай загвар, бүтээгдэхүүний загвар болон барааны тэмдгийн патенттай танилцуулах төвлөрсөн байгууллага байгуулах” үүргийн дагуу хэрэгжүүлж буй үйл ажиллагаа юм.