Дэлхийн Оюуны Өмчийн Өдөр, Монгол улсад оюуны өмчийг хамгаалах өдрийг тохиолдуулан Оюуны Өмчийн Итгэмжлэгдсэн Төлөөлөгчдийн Холбоо нь спорт, урлагийн арга хэмжээг 4 дүгээр сарын 17, 26-ны өдрүүдэд амжилттай зохион явууллаа.

Спортын нөхөрсөг тоглолтын үеэр эрэгтэй сагсан бөмбөг, гар бөмбөг болон ширээний теннисний тэмцээн зохион байгуулж, цомын төлөө өрсөлдөж, Оюуны Өмчийн Газар, Хөгжмийн хөгжил ТББ болон Оюуны Өмчийн Итгэмжлэгдсэн Төлөөлөгчдийн Холбооны баг тамирчид оролцсоноос, шилжин явах цомын эзнээр Оюуны Өмчийн Газрын хамт олон тодорлоо.

Жил бүрийн 4-р сарын 26-ний өдрийг, Дэлхийн Оюуны Өмчийн Өдөр, Монгол Улсад Оюуны Өмчийг хамгаалах өдөр болгон тэмдэглэн өнгөрүүлдэг бөгөөд Монголын Оюуны Өмчийн Газар үүсч хөгжсөний 20 жилийн ой энэ өдөр тохиолоо. Энэхүү ойн арга хэмжээг тохиолдуулан ОӨИТХолбооноос хүндэтгэлийн баярын хүлээн авалтыг зохион байгууллаа. Энэ үеэр, Оюуны өмчийн газрын аж үйлдвэрийн өмчийн хэлтсийн дарга С.Урангэрэл, Бодлого зохицуулалтын хэлстийн мэргэжилтэн Э.Одгэрэл, Барааны тэмдгийн шинжээч Л.Гэрэлмаа, шинэ бүтээлийн шинжээч П.Цоггэрэл нарын ажлын үр бүтээлийг үнэлж Холбооны зүгээс нэрэмжит шагналаа гардууллаа. Дээрх баярын үйл ажиллагаанд, МУГЖ Б.Сарантуяа, СТА Үүрийнтуяа, Жавхаасайхан, реппер Жи нар ая дуугаа өргөж мэндчилгээ дэвшүүлэв.